សិក្ខាសាលាផ្សព្វផ្សាយស្ដីពី “កម្រងសម្រង់បទប្បញ្ញត្តិគតិយុត្តនិងលិខិតបទដ្ឋានគតិយុត្តស្ថិតក្រោមសមត្ថកិច្ច កសហវ ព្រមទាំងកម្មវិធីចែករំលែកចំណេះដឹងនិងបទពិសោធន៍ពាក់ព័ន្ធនឹងកិច្ចការច្បាប់លើវិស័យសេដ្ឋកិច្ចនិងហិរញ្ញវត្ថុ ជូនរដ្ឋបាលថ្នាក់ជាតិ, រដ្ឋបាលថ្នាក់ក្រោមជាតិ និងគ្រឹះស្ថានសិក្សាធិការ”

អ្នកនិពន្ធ: admin
កាលបរិច្ឆេទ: ថ្ងៃច័ន្ទ ទី២៩ ខែកញ្ញា ឆ្នាំ ២០២៥

នាព្រឹកថ្ងៃចន្ទ ៧កើត ខែអស្សុជ ឆ្នាំម្សាញ់ សប្តស័ក ព.ស. ២៥៦៩ ត្រូវនឹងថ្ងៃទី២៩ ខែកញ្ញា គ.ស. ២០២៥ លោកគីម ទិត្យា ប្រធានមន្ទីរសេដ្ឋកិច្ច និងហិរញ្ញវត្ថុខេត្តត្បូងឃ្មុំបានអញ្ជើញចូលរួមសិក្ខាសាលាផ្សព្វផ្សាយស្ដីពី "កម្រងសម្រង់បទប្បញ្ញត្តិគតិយុត្តនិងលិខិតបទដ្ឋានគតិយុត្តស្ថិតក្រោមសមត្ថកិច្ចកសហវ" ក្រោមអធិបតីភាពឯកឧត្តមបណ្ឌិត ហ៊ែល ចំរើន រដ្ឋលេខាធិការក្រសួងសេដ្ឋកិច្ចនិងហិរញ្ញវត្ថុ និងជាអនុប្រធានប្រចាំការក្រុមប្រឹក្សានីតិកម្ម តំណាង ដ៏ខ្ពង់ខ្ពស់របស់ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្រ្តី រដ្ឋមន្រ្តីក្រសួងសេដ្ឋកិច្ចនិងហិរញ្ញវត្ថុ និងជាប្រធានក្រុមប្រឹក្សានីតិកម្ម។

ឯកឧត្តមបណ្ឌិតបាន ចែករំលែកចំណេះដឹងនិងបទពិសោធន៍ពាក់ព័ន្ធនឹងកិច្ចការច្បាប់លើវិស័យសេដ្ឋកិច្ចនិងហិរញ្ញវត្ថុ ជូនរដ្ឋបាលថ្នាក់ជាតិ, រដ្ឋបាលថ្នាក់ក្រោមជាតិ និងគ្រឹះស្ថានសិក្សាធិការ” សរុបចំនួនប្រមាណ ១៧៥ នាក់។ ឆ្លៀតក្នុងឱកាសនោះ ក្រុមការងារក៏បានរៀបចំធ្វើបទបង្ហាញអំពីស្នាដៃស្រាវជ្រាវថ្មីៗ របស់ក្រុមប្រឹក្សានីតិកម្ម រួមមាន៖

- កម្រងច្បាប់ខ្មែរតាមបែបបារាំងភាគ១ និងភាគ២

- កម្រងឯកសារសិក្សាសាកល្បងអំពីទស្សនវិជ្ជាច្បាប់ខ្មែរបែបទំនៀម

- ឯកសារស្រាវជ្រាវស្តីពីឧត្តមានុវត្តន៍ជាតិនិងអន្តរជាតិពាក់ព័ន្ធសេដ្ឋកិច្ចនិងសង្គមឌីជីថល "ក្របខ័ណ្ឌគោលនយោបាយក្របខ័ណ្ឌគតិយុត្ត និងក្របខ័ណ្ឌស្ថាប័ន។

ទន្ទឹមនេះ ឯកឧត្ដមបណ្ឌិតរដ្ឋលេខាធិការ បានផ្តល់ជូនសៀវភៅមួយចំនួនដល់រដ្ឋបាលថ្នាក់ជាតិ, រដ្ឋបាលថ្នាក់ក្រោមជាតិ និងគ្រឹះស្ថានសិក្សាធិការ ដើម្បីជាឧត្តមប្រយោជន៍នៃកិច្ចសិក្សាស្រាវជ្រាវបង្កើនចំណេះដឹង។

ក្រុមប្រឹក្សានីតិកម្ម សូមចូលរួម៖